Предлози за организирани или соло возења

Времето полека се стоплува, викендите идат па некои предлози да чуеме за возења организирани или соло. Места кои би било убаво да се видат или посетат низ Р.Македонија.

Еве еден мој обид за придонес кон темава.

Не би давал конкретни предлози врзани со датум или период од сезоната за оваа година, но како локации на кои сметам дека вреди да се отиде ке ги спомнам:

-Манастирот Св.Јоаким Осоговски во близина на Крива Паланка

-Берово, покрај езерото, можно е и дводневно(викенд) бидејки има бунгалови за сместување па не би морале да влечкаме и шатори,

-Тајмиште, напуштениот рудник во близина на Кичево каде што пејсажот е повеќе од прекрасен

-Тиквешко езеро, сметам дека оние што се риболовци меѓу нас ќе фрлат око на ваква можност

Тоше изборот ти е топ јас пред некој месец со Бени и Мими баш правевме муабет за нешто слично но сепак малку поинаку односно идејата беше да се прошетаат

1.Маврово не место помеѓу двете села Леуново и Никифорово до месноста црнкамен
2.Тиквешијата со по некоја трска
3.Претор с.Стење со шанса до напуштениот град на змискиот остров една прошетка
4.Беровскиот крај
5.Дебарскиот крај
6.Осогово до Пониква

Места за шетање колку ти душа сака во оваа наша прекрасна држава.

Гледам дека временските услови ке бидат наклонети , па мој предлог за викендов, т.е. за во недела е Пелинце, со попатна посета на Кокино...
На враќање може да се посети и костурницата Ѕебрњак во Младо Нагоричане... а може и да поминеме на пивце во мечкиното дувло

Ако сте за, во 10.00 на бензинската Макпетрол во Автокоманда (на источниот излез на Скопје)... и секој нека носи понешто (мевце, кобасички, лепче, сокче, пивце...)

договорено ,само за волку шетање со бебе ќе видиме
мош ќе скратиме нешто ...за друг пат да има шо да се види
п.с. ако каснам сабајле,значи бебушот не сака порано хехехеххе

Супер беше во Пелинце. Имав мали проблеми со искачубањето пеш до опсерваторијата во Кокино па не се искачив, ама не ми е криво, дружењето беше супер, прекрасно си поминав а се надевам дека и сите други ги делат импресиите со мене.

PS- Бебето на Бади е закон!!! Шампион!!! Изчував 3 комада мои, ама иако сум веќе во поодминати години за таква активност, би чувал уште едно ама вакво!
Пу-пу, машала

-Дајте фотки, народе

Икористувајќи го денешното убаво време и ние, односно јас, Венера и др.Пацанот на кратко свративме на кафе кај нашите Николче и Соња во прекрасниот предел во близина на Битола-Кисела Вода каде им е викенд куќичката. Поради моите работни обврски во врска со денешниот ден се видовме на кратко кафенце, сокче, лаф муабет и назад за Прилеп. На слегување према Битола ми се јави Огнен од Мото Струга и неколку дечки од истиот клуб кои истотака биле во Битола но биле на пат према Прилеп и се најдовме на бензиската станица на излезот од Битола па заедно продолживме за Прилеп каде во центарот испивме по едно кафе-муабет и ние моравме да ги напуштиме ради ....ради ај да не веламсега.... Прекрасен ден и убаво си поминавме но жално што беше кратко.
Ај и ние да прикачиме две сликички

Во периодот од годинешниов летен одмор имав прилика да си ја исполнам желбата и истиот да го минам активно возејки се низ нашава Македонија и Балканот. Како места кои ми оставија прекрасен впечаток кај нас, а кои имаат доволно потенцијал за изведба на викенд-возење би ги посочил:

Берово, заедно со вештачкото езеро кое се наоѓа на 6 км од градот и кое само по себе изгледа прекрасно а е окружено со шума од огромни борови. Постојат сместувачки капацитети, можно е кампирање а рестораните нудат одлична храна по цени да се искинеш од смеење

Втора локација која би ја посочил е планината Огражден преку која мора да се мине на пат од Берово кон Струмица. Ова е веќе многу поинаква и вистинска планинска приказна за оние кои ги сакаат поголемите надморски височини. Насекаде е зелено, шуми, ливади, поточиња....вистински планински амбиент кој по многу нешта заличува на алпски предел. Сместувачки капацитети има, но со рестораните состојбата не успеав да ја испитам иако забележав дека и нив ги има и тоа со ражни на кои се вртеше некаква печена животинка. Има места за кампирање, но во дадениов случај за такво сместување веќе ќе биде потребна опрема за висинско кампирање поради прилично ниските температури кои се јавуваат во текот на ноќта и утринскиот период.

Доколку има заинтересирани за реализација на ваква тура, кажувајте. Мене местата ми се допаднаа толку многу што и 100 пати да ги посетам малку ќе ми биде

Ne e losa destinacija a i sekako e neraboten den i praznik na manastirot pa ete ni ednodnevno vozenje do Lesockiot manastir na 28.08.2009 vo petok.